Литургия с общенародным пением

22 и 29 сентября в 8:30

в нижнем приделе Архистратига Михаила
будет отслужена

Божественная Литургия с общенародным пением.

Желающих петь Ирина Ивановна просит ознакомиться с прилагаемыми ниже богослужебными текстами и иметь эти тексты с собой.

НЕДЕЛЯ 14-Я ПО ПЯТИДЕСЯТНИЦЕ

Воскресный тропарь, глас 5

Собезначальное Слово Отцу и Духови,/ от Девы рождшееся на спасение наше,/ воспоим, вернии, и поклонимся,/ яко благоволи плотию взыти на крест,/ и смерть претерпети,/ и воскресити умершия// славным воскресением Своим.

Тропарь Праздника, глас 4

Рождество Твое, Богородице Дево,/ радость возвести всей вселенней:/ из Тебе бо возсия солнце правды, Христос Бог наш,/ и разрушив клятву, даде благословение,// и упразднив смерть, дарова нам живот вечный.

Тропарь архистратигу Михаилу, глас 4

Небесных воинств Архистратизи,/ молим вас присно мы недостойнии:/ да вашими молитвами оградите нас/ кровом крил невещественныя вашея славы,/ сохраняюще ны припадающия прилежно, и вопиющия:/ от бед избавите ны,// яко чиноначальницы вышних сил.

Тропарь правв. Иоакиму и Анне, глас 1

Иже в законней благодати праведни бывше,/ Младенца богоданнаго породиша нам Иоаким и Анна./ Темже днесь светло торжествует,/ весело празднующи, Божественная Церковь,/ честную вашу память,// славящи Бога, воздвизшаго рог спасения нам в дому Давидове.

«Слава и ныне», кондак праздника, глас 4

Иоаким и Анна поношения безчадства,/ и Адам и Ева от тли смертныя свободистася, Пречистая, во святем рождестве Твоем./ То празднуют и людие Твои,/ вины прегрешения избавльшеся, внегда звати Ти:/ неплоды раждает Богородицу, и питательницу жизни нашея.

Прокимен, глас 6

Спаси, Господи, люди Твоя, и благослови достояние Твое.
Дивен Бог во Святых, Бог Израилев.

Причастен воскресный и святым

Хвалите Господа с небес, хвалите Его в вышних.
Радуйтеся, праведнии, о Господе. Правым подобает похвала.

https://happy-school.ru/